ယူရတော့မယ့် တာဝန်တစ်ရပ်

၁။ သဘာဝပတ်ဝန်းကျင် အရေးကြီးလား

လက်ရှိကမ္ဘာကြီးမှာ ရင်ဆိုင်နေရတဲ့ အကြီးစားပြဿနာတွေထဲက တစ်ခုကတော့ သဘာဝပတ်ဝန်းကျင်ပျက်စီးမှုပါ။ ကမ္ဘာကြီးပူနွေးလာတယ်၊ ပင်လယ်ရေမျက်နှာပြင် မြင့်တက်လာတယ်၊ သစ်တောတွေ ပြုန်းတီးတယ်၊ ရေထု၊ လေထုညစ်ညမ်းမှုတွေ ရှိလာတယ်။ လူဦးရေဆိုတာကလည်း ဒီအတိုင်း တန့်နေမှာမဟုတ်ဘူး။ တိုးနေမှာ။ ခန့်မှန်းချက်အရဆို ၂၀၅၀ ရောက်တဲ့အခါ ကမ္ဘာ့လူဦးရေဟာ ၉.၆ ဘီလီယံ (သန်းပေါင်း ကိုးထောင့်ခြောက်ရာ) ရှိနေလိမ့်မယ်။ လက်ရှိလူတွေနေထိုင်ပြုမူနေတဲ့ ပုံစံအတိုင်းသာဆို အဲဒီလောက်လူဦးရေ ရှင်သန်ရပ်တည်ဖို့အတွက် ကမ္ဘာ(၃)ခုစာလောက် ရှိမှ လုံလောက်ပါမယ် တဲ့။ ဒါကြောင့် လူတွေအနေနဲ့ နောင်လာနောက်သားတွေအတွက် ရေရှည်တည်တံ့တဲ့ ကမ္ဘာကြီးကို ချန်ထားနိုင်ခဲ့ဖို့ ကိုယ့်ရဲ့နိစ္စဓူဝအပြုအမူတွေကို ပြောင်းမှရတော့မယ်ဆိုပြီး တိုက်တွန်းလာ၊ ပြောလာ၊ လှုပ်ရှားမှုတွေ လုပ်လာကြတာပဲ ဖြစ်ပါတယ်။

အစိုးရတွေကလည်း ကတိက၀တ်တွေ ပေးလာရတယ်။ စီးပွါးရေးလုပ်ငန်းတွေလည်း အရင်လို အကျိုးအမြတ် (Profit) ကိုချည်း ကြည့်လို့မရတော့ဘူး၊ ကမ္ဘာမြေ (Planet) အပေါ်မှာပါ တာဝန်ခံလာရတယ်။ Globalization ခေတ်မှာ Global citizen တစ်ယောက်ဖြစ်ဖို့ လူတွေမှာ ရှိသင့်ရှိထိုက်တဲ့ အရည်အသွေးတွေထဲမှာလည်း လူမှုရေးတာဝန်သိမှု (Social responsibility) ဆိုတာ ပါလာတယ်။ ဖွံ့ဖြိုးရေုးလုပ်ငန်းတွေမှာဆိုလည်း သဘာဝပတ်ဝန်းကျင်ကို ဇောင်းပေးလာရတယ်။ ဒါက လက်ရှိကမ္ဘာကြီးရဲ့ အခြေအနေ။

ကျွန်တော်တို့မြန်မာနိုင်ငံမှာဆိုလည်း ကြည့်လိုက်ပါ။ သဘာဝပတ်ဝန်းကျင်ပျက်စီးမှုကြောင့် ရေကြီးရေမြှပ်တာတွေ နိုင်ငံအနှံ့အပြားမှာ ဖြစ်နေတာ ဒီနှစ်နဲ့ဆို နှစ်နှစ်ရှိပါပြီ။ အင်မတန်မှလည်း ပျက်စီးဆုံးရှုံးမှု များပါတယ်။ စီးပွါးရေးဖွံ့ဖြိုးမှုနောက်ကျနေလို့ အရှိန်အဟုန်နဲ့ ကြိုးစားလုပ်ဆောင်ကြရတော့မယ့်အချိန်မှာ ဒီလိုပြဿနာတွေက တိုးတက်မှုကို နောက်ပြန်ဆွဲနေသလိုပါပဲ။ နောက်ပြီး ခုချိန်မှာ ကျွန်တော်တို့ မြန်မာနိုင်ငံဟာ အဆင်းရဲဆုံးစာရင်းမှာတင်မကတော့ဘဲ သဘာဝဘေးအန္တရာယ် အကြုံတွေ့ရနိုင်ဆုံး၊ အထိခိုက်နိုင်ဆုံးနိုင်ငံတွေထဲမှာလည်း ထိပ်နားတော်တော်ရောက်နေပြီ။ ဒါကြောင့် သဘာဝပတ်ဝန်းကျင် ထိန်းသိမ်းဖို့ဟာ ကမ္ဘာမှာသာမက မြန်မာမှာပါ အရေးကြီးကိစ္စတစ်ရပ် ဖြစ်လာခဲ့ပါပြီ။

၂။ သဘာဝပတ်ဝန်းကျင်နဲ့ ဆင်းရဲမှု

ဆင်းရဲမွဲတေမှုနဲ့ သဘာဝပတ်ဝန်းကျင်ပျက်စီးမှုက အပြန်အလှန်ဆက်စပ်တယ်။ ဆင်းရဲတဲ့နိုင်ငံတွေနဲ့စာရင် ချမ်းသာတဲ့နိုင်ငံတွေက သူတို့ရဲ့စက်မှုလုပ်ငန်းတွေ၊ လူတွေရဲ့ လူနေမှုပုံစံတွေကြောင့် ကာဗွန်ထုတ်လွှတ်မှု ပိုများလို့ သဘာဝပတ်ဝန်းကျင် ပိုပျက်စီးတယ်လို့ အရင်တုန်းက ထင်ခဲ့ကြတယ်။ ဒါပေမယ့် ခုနောက်ပိုင်းမှာတော့ ဆင်းရဲတဲ့နိုင်ငံတွေမှာလည်း သဘာဝပတ်ဝန်းကျင်ပျက်စီးတာတွေ တွေ့လာရတယ်။ ဆင်းရဲတော့ ပညာရေးအားနည်းတယ်၊ ဒီတော့ ကုန်ကြမ်းကိုပဲ အားစိုက်ထုတ်ရတယ်။ Value added မလုပ်နိုင်ဘူး။ အကျင့်ပျက်ခြစားမှုတွေကလည်း ရှိတတ်တော့ သဘာဝအရင်းအမြစ်တွေကို မထိန်းသိမ်းနိုင်ဘူး၊ ခပ်လွယ်လွယ် ချရောင်းတယ်။ တစ်ဖက်မှာလည်း ကျန်းမာရေးစောင့်ရှောက်မှုတွေ အားနည်းတဲ့အခါ (မျိုးဆက်ပွါးကျန်းမာရေးဝန်ဆောင်မှုတွေကို လက်လှမ်းမီမှု အားနည်းတဲ့အခါ) လူဦးရေတိုးပွါးမှု (population growth) ကလည်း အရမ်းများတယ်။ ဒီတော့ စားသုံးသူဦးရေကလည်း များလာတယ်။ ပြောရရင် ဆင်းရဲတဲ့နိုင်ငံတွေမှာ သဘာဝပတ်ဝန်းကျင်ပျက်စီးမှုဟာ ချမ်းသာတဲ့နိုင်ငံတွေထက် မသာတောင် မလျော့ဘူး။ ကမ္ဘာပေါ်မှာ သဘာဝပတ်ဝန်းကျင်အပျက်စီးဆုံး၊ အထိခိုက်ဆုံးနိုင်ငံတွေကို ကြည့်လိုက်ရင် ဆင်းရဲတဲ့နိုင်ငံ၊ အုပ်ချုပ်မှုစနစ်မကောင်းတဲ့နိုင်ငံ၊ ပညာရေးနိမ့်ကျတဲ့နိုင်ငံတွေက ထိပ်ပိုင်းရောက်နေတာ တွေ့ရပါလိမ့်မယ်။ နောက်ပြီး ဆင်းရဲတဲ့အခါကျတော့ တစ်နေ့တစ်နေ့ ကိုယ့်အသက်ရှင်ရပ်တည်ရေး (survival) အတွက်ပဲ ကြိုးစားရုန်းကန်နေရတယ်။ ဒီအခါမှာ သဘာဝပတ်ဝန်းကျင် ဆိုတာတွေ၊ ရေရှည်တည်တံ့အောင် ထိန်းသိမ်းရမယ် ဆိုတာတွေ မသိနိုင်တော့ဘူး၊ သွားပြောလည်း စိတ်မ၀င်စားတော့ဘူး၊ သိလည်း လိုက်နာဖို့ ခက်တယ်လေ။ ပေါ်လစီတွေချမှတ်တဲ့အခါမှာလည်း သူတို့ရဲ့အသံ၊ သူတို့ရဲ့ပူးပေါင်းပါဝင်မှု ရဖို့ခက်လာတယ်။ ဒါက ဆင်းရဲခြင်းကြောင့် သဘာဝပတ်ဝန်းကျင်အပေါ် သက်ရောက်မှုရှိတဲ့အပိုင်း။

နောက်တစ်ပိုင်းက သဘာဝပတ်ဝန်းကျင်ပျက်စီးခြင်းက ဆင်းရဲမှုကိုပိုဆိုးစေတယ် ဆိုတာပါပဲ။ သဘာဝပတ်ဝန်းကျင် ပျက်စီးတဲ့အခါ ဆင်းရဲတဲ့သူတွေ ပိုခံရတယ်။ ခု ကျွန်တော်တို့ဆီမှာ ရေကြီးတယ်ဆိုလည်း ဘယ်သူတွေအရင်ဆုံးထိလဲဆို ဆင်းရဲတဲ့သူတွေ အရင်ဆုံးထိတယ်၊ ခံရတယ်။ ဒီအခါမှာ ဆင်းရဲချမ်းသာ ကွာဟလာတယ်၊ လူမှုရေးမတည်မငြိမ်ဖြစ်လာတယ်၊ ဆင်းရဲမွဲတေမှုပပျောက်အောင် လုပ်ဖို့ဆိုတာ ပိုပိုအလှမ်းဝေးလာတယ်။ ဆင်းရဲခြင်းရဲ့နောက်ဆက်တွဲအနေနဲ့ ကောင်းကောင်းမစားရတော့ အာဟာရနည်းမယ်၊ ကလေးသေနှုန်းများမယ်၊ ကျန်းမာရေး၊ ပညာရေးစတဲ့ အခြေခံဝန်ဆောင်မှုတွေ လက်လှမ်းမမီတော့ဘူး။

နိုင်ငံနဲ့ချီ စဉ်းစားမယ်ဆိုလည်း တိုးတက်တဲ့နိုင်ငံတွေမှာ ဒီလိုဘေးတွေ မဖြစ်ဘူးလားဆိုတော့ မဟုတ်ဘူး၊ ဖြစ်တယ်။ ဒါပေမယ့် ချမ်းသာတယ်၊ တုံ့ပြန်ဆောင်ရွက်ဖို့ အစီအမံကောင်းကောင်းတွေ ရှိတယ်၊ တတ်ကျွမ်းနားလည်သူတွေ ရှိတယ်ဆိုတဲ့အခါကျတော့ ကြိုတင်ပြင်ဆင်နိုင်တယ်၊ ဆုံးရှုံးမှုနည်းတယ်။ တွေ့ရှိချက်တွေအရတော့ ဖွံ့ဖြိုးဆဲတိုင်းပြည်တွေမှာ ဘေးအန္တရာယ်တစ်ခုနဲ့ ကြုံတွေ့ရရင် ဆုံးရှုံးရတဲ့ ပမာဏဟာ ဖွံ့ဖြိုးပြီးတိုင်းပြည်တွေရဲ့ ဆုံးရှုံးမှုထက် အဆ(၂၀)ပိုများပါတယ်။ ဒါကိုကြည့်ရင် သဘာဝဘေးအန္တရာယ်တွေဟာ ဆင်းရဲမှုကို ဘယ်လောက်ထိ ပိုဆိုးသွားစေနိုင်သလဲ အလွယ်တကူသိနိုင်ပါတယ်။

၃။ သဘာဝပတ်ဝန်းကျင်ကို ဘာလို့ဂရုမစိုက်သလဲ

သဘာဝပတ်ဝန်းကျင်နဲ့ပတ်သက်ရင် ကမ္ဘာမှာတော့ တော်တော်လေး သတိပြုမိလာကြတယ်။ ဒါပေမယ့် လက်တွေ့လုပ်ဆောင်မှုတွေတော့ အားနည်းနေတုန်းပဲ။ ကျွန်တော်တို့ဆီမှာကတော့ ပိုဆိုးတာပေါ့။ ဘာလို့လဲ စဉ်းစားကြည့်တော့ အကြောင်းရင်း(၃)ခု သတိထားမိတယ်။

ပထမအကြောင်းရင်းက အကျိုးသက်ရောက်မှု (Impact) က မြင်သာထင်သာ မရှိဘူး။ ယာဉ်စည်းကမ်းဖောက်ဖျက်မိတယ် ဆိုပါစို့၊ ခုချက်ချင်းကို ယာဉ်တိုက်မှုဖြစ်ရင်ဖြစ်မယ်။ ဒါမှမဟုတ်လည်း ရဲက ဖမ်းမယ်၊ အရေးယူခံရမယ်။ ဒါကျတော့ အဲ့လိုချက်ချင်းမဖြစ်ဘူး။ ကိုယ်အခု ပလပ်စတစ်အိတ်ကို လွှင့်ပစ်လိုက်တယ်၊ ရေတွေ မလိုအပ်ဘဲ ဖွင့်ချထားတယ်၊ သစ်တွေခုတ်လိုက်တယ်။ ချက်ချင်း ဘာမှမဖြစ်ဘူး။ ဘယ်သူကမှလည်း အရေးမယူဘူး။ ကာလတစ်ခုကြာတော့မှသာ အကျိုးဆက်က ထင်ရှားလာတယ်။ ဒါကြောင့် ကျွန်တော်တို့တွေအနေနဲ့ ကိုယ့်လုပ်ရပ်သေးသေးလေးတွေနဲ့ သဘာဝပတ်ဝန်းကျင်ပျက်စီးမှု အဆက်အစပ်ကို မြင်နိုင်ဖို့လိုတယ်။ ကိုယ့်အမူအကျင့်လေးတွေ ပြောင်းလဲနိုင်ဖုိ့လည်း လိုတယ်။ သစ်ခုတ်တာလို သဘာဝပတ်ဝန်းကျင်ကို ထိခိုက်စေမယ့် စီမံကိန်းမျိုးအတွက်တော့ အစိုးရကလည်း ဒါကို အရေးကြီးကြောင်း လက်ခံထားဖို့ လိုမယ်။

ဒုတိယအကြောင်းရင်းကတော့ တာဝန်ခံစရာ မလိုတာပဲ။ ခုနကလို ကားတိုက်သွားမယ်ဆိုရင် လျော်ရမယ်၊ အရေးယူခံရမယ်။ သဘာဝပတ်ဝန်းကျင်ပျက်စီးလို့ တာဝန်ခံရမယ်၊ ဘယ်သူ့မှာ တာဝန်ရှိလဲဆို ဘယ်သူ့မှာမှ မရှိဘူးပဲ ငြင်းကြလိမ့်မယ်။ ဖတ်ခဲ့ရဖူးတဲ့ နာမည်ကျော်ကာတွန်းပညာရှင် ဆရာတစ်ယောက်ရဲ့ ကာတွန်းလို ရေကြီးမှုအတွက် ဘယ်ရေတစ်စက်မှ သူတို့မှာ တာဝန်ရှိတယ် ပြောကြမှာမဟုတ်ဘူး။ ဒါပေမယ့် အဲဒီရေစက်တွေပေါင်းပြီးပဲ ရေကြီးခဲ့ရတာလေ။ ပြောမှာပဲ၊ ကျွန်တော်ခုတ်တဲ့သစ်က နည်းနည်းလေး၊ ကျွန်မတို့က ပလပ်စတစ်အိတ်လေး ဒီလိုပဲပစ်ချလိုက်တာ။ အဲဒါလေးတွေ အားလုံးပေါင်းလိုက်တော့ ခုလို သဘာဝပတ်ဝန်းကျင်ပျက်စီးမှုတွေ ဖြစ်လာရတော့တာပဲ။ ဒါကြောင့် ကျွန်တော်တို့တွေဟာ ကိုယ့်လုပ်ရပ်တိုင်းရဲ့ အကျိုးဆက်ကို မြင်ဖို့လိုတယ်၊ တာဝန်ယူတတ်ဖို့လိုတယ်၊ လူမှုရေးတာဝန်သိတယ်ဆိုတာကို ဂုဏ်ယူတတ်ဖို့လိုတယ်။

နောက်ဆုံးအကြောင်းရင်းကတော့ ကိုယ့်ကို တိုက်ရိုက်လာမထိတာပဲ။ ရှေ့မှာပြောခဲ့သလို၊ သဘာဝပတ်ဝန်းကျင် ထိခိုက်လို့ ဘေးအန္တရာယ်တွေ ဖြစ်ပြီဆို ဘယ်သူတွေအရင်ဆုံးထိလဲ၊ ဆင်းရဲတဲ့သူတွေ အရင်ဆုံးထိတယ်။ ဒီတော့ တကယ်ပျက်စီးအောင် လုပ်ခဲ့တဲ့သူတွေက ခပ်အေးအေးပဲ၊ အလှူအတန်းတွေတောင် ဂုဏ်ယူစွာနဲ့ ပြန်လုပ်လိုက်ကြသေးတယ်။ ဒါပေမယ့် အဓိကတာဝန်ရှိသူက သူတို့တွေ။ စဉ်းစားကြည့်ပါ၊ ဖြစ်သင့်ရဲ့လား။ တာဝန်ကင်းတယ်ထင်ရဲ့လား။ တရားမျှတမှုရှိတယ်လို့ရော ထင်ပါရဲ့လား။

နောက်တစ်ချက်က ကိုယ့်တော့ တိုက်ရိုက်မထိပေမယ့် တွေးကြည့်ရင် တိုင်းပြည်အနေနဲ့တော့ အများကြီးဆုံးရှုံးနစ်နာသွားရတယ်။ ဆုံးရှုံးသွားတဲ့ လယ်ယာမြေတွေ၊ ပိုင်ဆိုင်မှုတွေ၊ လုပ်အားတွေ၊ ကလေးတွေ ပညာသင်ဖို့ခက်သွားတယ်၊ အလုပ်အကိုင်တွေ ဆုံးရှုံးကုန်တယ်။ လူတစ်စု အကျိုးအမြတ်ရဖို့ လူပေါင်းများစွာက အများကြီး ဆုံးရှုံးလိုက်ရသလို ဖြစ်နေတယ်။ ဒါကြောင့် သဘာဝပတ်ဝန်းကျင်ထိန်းသိမ်းဖို့ဆိုတာ လုပ်သင့်တဲ့လုပ်ထိုက်တဲ့ လူမှုရေးကိစ္စ (Social issue) ဖြစ်သလို၊ တိုင်းပြည်အတွက် ဆုံးရှုံးနစ်နာမှုတွေ နည်းလာအောင် လုပ်သင့်တဲ့ Efficiency issue တစ်ခုလည်း ဖြစ်တယ်။

၎။ ကျွန်တော်တုိ့ ဘာလုပ်ကြမလဲ

အရင်ဆုံးတော့ ကိုယ့်ရဲ့အမူအကျင့်လေးတွေကို စပြောင်းလဲရပါမယ်။ မလိုအပ်ဘဲ ဖြုန်းတီးနေတာတွေ လျှော့ရမယ်။ ရေတွေ၊ မီးတွေ မလိုအပ်ဘဲ ဖွင့်မထားဖို့၊ အမှိုက်တွေ အလွယ်တကူ မစွန့်ပစ်ဖို့၊ ဒါမျိုးတွေပေါ့။ အချင်းချင်း အသိပညာပေးဖို့လည်း လိုပါလိမ့်မယ်။

နောက်ပြီး သဘာဝပတ်ဝန်းကျင်ကို ထိခိုက်စေတဲ့ အစိုးရရဲ့စီမံကိန်းတွေ၊ စီးပွါးရေးလုပ်ငန်းတွေကို စောင့်ကြည့်ဖို့၊ တွန်းအားပေးဖို့လည်း လိုမယ်။ အာဏာရှင်နိုင်ငံတွေမှာ သဘာဝပတ်ဝန်းကျင်ပျက်စီးမှု ပိုများတတ်တာ အကြောင်းမဲ့မဟုတ်ဘူး။ ပြည်သူတွေက ပြောခွင့်မရကြလို့၊ သဘာဝအရင်းအမြစ်တွေကို အာဏာရှင်တွေက သူတို့ပိုင်တဲ့အတိုင်း ပြုမူသွားကြလို့၊ ပွင့်လင်းမြင်သာမှုမရှိလို့။ ဒီမိုကရေစီဆိုတာကတော့ ပြည်သူ့အသံကို နားထောင်ရတယ်၊ ပြည်သူ့ဆန္ဒကို ဦးစားပေးရတယ်၊ အကောင်အထည်ဖော်ရတယ်၊ ဒီလိုစနစ်ကောင်းကောင်းရှိတဲ့အခါ သဘာဝပတ်ဝန်းကျင်ကို ပိုပြီးထိန်းသိမ်းနိုင်တယ်။ ပြည်သူတွေရဲ့ Check & Balance က တစ်ဆင့်ပေါ့။ စီးပွါးရေးလုပ်ငန်းဆိုတာကတော့ Demand ဆိုတဲ့ လိုအပ်ချက်အပေါ် မူတည်ပြီး Supply လုပ်ရတာ။ ဒါကြောင့် Demand လုပ်နေတဲ့ ပြည်သူတွေမှာ သူတို့ကို ပြောင်းလဲပစ်နိုင်တဲ့ ပါဝါရှိတယ်။ ဒါတွေကို ပြည်သူတွေက အသုံးချနိုင်ဖို့ လိုမယ်။

ဒါဟာ နိုင်ငံသားတစ်ယောက်အနေနဲ့ဆိုလည်း ကိုယ့်နိုင်ငံတိုးတက်ဖို့၊ သဘာဝဘေးအန္တရာယ်တွေ နည်းပါးဖို့၊ စီးပွါးရေး၊ လူမှုရေးတိုးတက်ဖို့ လုပ်ဆောင်သင့်တဲ့ နိုင်ငံရေးတာဝန်ဖြစ်သလို၊ ကမ္ဘာနိုင်ငံသားတစ်ယောက်အနေနဲ့လည်း ကမ္ဘာမြေ အရှည်တည်တံ့ဖို့၊ နောက်မျိုးဆက်တွေအတွက် ကောင်းမွန်တဲ့အနာဂတ်တွေ ချန်ထားခဲ့နိုင်ဖို့ လုပ်ဆောင်သင့်တဲ့ လူမှုရေးတာဝန်တစ်ရပ်လည်းပဲ ဖြစ်ပါတယ်။

နှမ်းတွေအများကြီးပေါင်းစပ်လိုက်တဲ့အခါကျမှ ဆီဆိုတာ ဖြစ်လာတာပါ။ နှမ်းတစ်စေ့တည်းနဲ့တော့ ဆီမဖြစ်ပါဘူး၊ ဒါသေချာပါတယ်။ ဒီထက် ပိုသေချာတာက ကိုယ့်ကိုကိုယ် နှမ်းလေးတစ်စေ့ပါပဲ လို့သတ်မှတ်ထားတဲ့ နှမ်းတွေနဲ့တော့ ပိုလို့တောင် ဆီမဖြစ်ပါဘူး။

ရေကန်ထဲကို ကျောက်ခဲလေးတစ်လုံး ကျသွားတဲ့အခါ ၀ဲဂယက်လေးတွေ ထသွားပါတယ်။ ကျောက်ခဲက ကြီးလေလေ ၀ဲဂယက်ကလည်း ကြီးလေလေပါပဲ။ ရေကန်ရဲ့ ဒီနေရာမှာ ကျောက်ခဲတစ်လုံး၊ ဟိုနေရာမှာ ကျောက်ခဲတစ်လုံး၊ ဒီလိုနဲ့သာ ကျောက်ခဲတွေအများကြီး တစ်ပြိုင်နက်တည်း ရေကန်ထဲရောက်သွားကြမယ်ဆိုရင် အဲဒီခဲလေးတွေကြောင့် ထွက်ပေါ်လာတဲ့ ၀ဲဂယက်လေးတွေကလည်း တခုနဲ့တခု ဆက်မိပြီး ရေကန်ုကြီးတစ်ခုလုံး ၀ဲဂယက်တွေ ထကုန်မှာပါ။ ဒီဥပမာအတိုင်းပါပဲ။ တစ်ဦးတစ်ယောက်ရဲ့ စစ်မှန်တဲ့ခံယူချက်၊ စေတနာ၊ တက်ကြွမှုနဲ့ အသိပညာတွေဟာ သူရဲ့ကိုယ်ပိုင်ဥစ္စာဆိုပေမဲ့ တစ်ယောက်ကိုတစ်ယောက် လက်ဆင့်ကမ်း ပြန့်ပွါးတတ်၊ ကူးစက်သွားတတ်တဲ့သဘော ရှိပါတယ်။

ခုချိန်ဟာ အားလုံးပါဝင်ကြိုးစားမှ ရမဲ့အချိန်ပါ။ နှမ်းတစ်စေ့နဲ့တော့ ဆီမဖြစ်ဘူးလို့ မတွေးကြတော့ဘဲနဲ့ ကျယ်ပြောလှတဲ့ရေကန်ကြီးမှာ ၀ဲဂယက်တွေ အများကြီးပဲ ထသွားစေနိုင်တဲ့ ခဲလုံးတစ်လုံးအဖြစ် ကိုယ့်ကိုကိုယ်သတ်မှတ်ပြီး အားလုံးဝိုင်းကြိုးပမ်းကြဖို့ လိုနေပါပြီ။

Ref: Inequality and Environmental Policy by Joseph E. Stiglitz

Leave a Reply

Your email address will not be published. Required fields are marked *

1 Shares
Share1
Tweet
+1
Share