About me - ဒေါက်တာ ဖြိုးသီဟ

About me

စာဖတ်သူများအားလုံးပဲ မင်္ဂလာပါ။ ကျွန်တော်က ဒေါက်တာ ဖြိုးသီဟ ဖြစ်ပါတယ်။ ကျွန်တော် ၂၀၁၂ ခုနှစ်၊ ဖေဖော်ဝါရီလမှာ ရန်ကုန်ဆေးတက္ကသိုလ် (၁) ကနေ ဆေးပညာဘွဲ့ ရရှိခဲ့ပြီးတော့ အဲဒီနှစ် ဇူလိုင်လကုန်မှာ Marie Stopes International လို့ ခေါ်တဲ့ နိုင်ငံတကာလူမှုရေးအဖွဲ့အစည်းတစ်ခုမှာ အလုပ်ရခဲ့ရာကနေ လိင်နဲ့မျိုးဆက်ပွါးကျန်းမာရေးလုပ်ငန်းနယ်ပယ်ထဲကို စတင်ဝင်ရောက်ခဲ့ပါတယ်။ အဲဒီမှာ အလုပ်လုပ်ရင်း ရခဲ့တဲ့ လုပ်ငန်းခွင်နဲ့ ပုဂ္ဂိုလ်ရေး အတွေ့အကြုံတွေက ငယ်ငယ်က စာရေးဖို့မပြောနဲ့၊ စာစီစာကုံးတောင် အလွတ်ကျက်ဖြေခဲ့ရတဲ့ ကျွန်တော့်ကို ခုလို စာရေးသူတစ်ယောက် ဖြစ်လာစေခဲ့တာပါ။

၂၀၁၂ ဖေဖော်ဝါရီကစပြီး Facebook မှာ စာတွေလက်တည့်စမ်း ရေးလာခဲ့တာ ၂၀၁၄ မှာ နေ့စဉ်ထုတ် ပုဂ္ဂလိကတင်းစာတွေထဲ ဆောင်းပါးတွေ ပါလာတယ်။ ၂၀၁၆ ဖေဖော်ဝါရီမှာတော့ Wisdom House စာအုပ်တိုက်က ထုတ်တဲ့ “ပညာရှိရာသို့ ခြေလှမ်းများစွာ” ဆိုတဲ့ စာအုပ်မှာ ဆောင်းပါးတစ်ပုဒ် စတင်ဖော်ပြခံခဲ့ရပါတယ်။ နောက် စာပေခရီးသွားများ စာအုပ်တိုက်ရဲ့ “ကိုယ်ကျင့်နဲ့သိက္ခာ” စာအုပ်မှာ စာမူထပ်ပါတယ်။ အဲဒီနောက် ၂၀၁၆ အောက်တိုဘာလမှာတော့ ကျွန်တော့်ဘ၀ရဲ့ ပထမဆုံးလုံးချင်းစာအုပ် “ကမ္ဘာကြီးရဲ့ တောင်ပံတစ်စုံ” စာအုပ်လေး ထွက်လာနိုင်ခဲ့ပါတယ်။ ဒုတိယစာအုပ်ဖြစ်တဲ့ “မာန်” ကိုလည်း တစ်လပဲခြားပြီး ထုတ်နိုင်ခဲ့တယ်။ စာအုပ်နှစ်အုပ်လုံးဟာ ကျွန်တော့်လို မထင်မရှား စာရေးသူတစ်ယောက်အတွက် အိပ်မက်ဆန်ဆန်လို့ ပြောရအောင်ကို ရောင်းအားကောင်းခဲ့ပါတယ်။

လက်ရှိမှာတော့ ကျွန်တော့်ရဲ့ အဓိကပရော်ဖက်ရှင်အလုပ်အဖြစ် နိုင်ငံတကာ လူမှုရေးအဖွဲ့အစည်းတစ်ခုမှာ အလုပ်လုပ်နေပါတယ်။ အဲဒီအပြင် ကျွန်တော်ဝါသနာပါတဲ့၊ အများအကျိုးပြုနိုင်တဲ့ စာရေးတဲ့အလုပ်ကို လုပ်တယ်။ နိုင်ငံရေး၊ လူမှုရေး၊ ခေါင်းဆောင်မှု၊ စီမံခန့်ခွဲမှု၊ အမျိုးသမီးနဲ့ လူငယ်ရေးရာဆောင်းပါးတွေကို ပုံနှိပ်မီဒီယာတွေမှာ ရေးသလို၊ အွန်လိုင်းမှာလည်း ကျွန်တော်ရေးတယ်။ ဟောပြောပွဲတွေ ကျွန်တော်ပြောတယ်။ ပရဟိတအဖွဲ့(၃)ခုမှာ ပါဝင်ဆောင်ရွက်နေတယ်။

ကျွန်တော့်ရဲ့ ဘ၀ခံယူချက်ကတော့ ရှင်းပါတယ်။ လက်ပြမနှုတ်ဆက်ရသေးခင်၊ ဟောဒီလောကကြီးထဲမှာ ကျွန်တော် ရှင်သန်ရပ်တည်ခဲ့ဖူးကြောင်း အထောက်အထားလေးတွေကို လူတွေရဲ့ ရင်ထဲမှာ တတ်နိုင်သလောက် ချန်သွားခဲ့ချင်တာပါပဲ။ ဒီ Website လုပ်ဖို့ စပြီးစိတ်ကူးရခဲ့တာလည်း ဒါကြောင့်ပါ။ စာဖတ်သူတွေ ကျွန်တော်ရေးဖူးသမျှစာတွေကို တစ်စုတစ်စည်းတည်း လွယ်လွယ်ကူကူ ဖတ်ရှုစေချင်ရုံကလွဲရင် တခြားရည်ရွယ်ချက် မရှိခဲ့ပါဘူး။

ဒီ Website လေးမှာ ဖော်ပြထားတဲ့ စာတွေကြောင့် ဖတ်ရသူတွေ တစ်စုံတစ်ရာအကျိုးရှိမယ်ဆိုရင်ပဲ ကျွန်တော်ကြိုးစားရကျိုးနပ်ပြီလို့ ခံယူပါတယ်။

742 Shares